پاکستان کی موجودہ مشکلات امریکہ کی مخاصمانہ پالیسیوں کا نتیجہ
پاکستان کے نگراں وزیر خارجہ:
نیوزنور 17ا گست/پاکستان کے نگراں وزیر خارجہ نے اپنے ملک کی موجودہ مشکلات کو امریکہ کی مخاصمانہ پالیسیوں کا نتیجہ قرار دیتے ہوئے کہاہےکہ امریکہ کا رویہ دوستانہ نہیں ہے بلکہ ایسا لگتا ہے کہ واشنگٹن حکومت اسلام آباد کو مشکلات سے دوچار کرنا چاہتی ہے۔
عالمی اردوخبررساں ادارے’’نیوزنور‘‘کی رپورٹ کے مطابق کراچی میں صحافیوں سے بات چیت کرتے ہوئے پاکستان کے نگراں وزیر خارجہ عبداللہ حسین ہارون نے کہاکہ امریکہ کا رویہ دوستانہ نہیں ہے بلکہ ایسا لگتا ہے کہ واشنگٹن اسلام آباد کو مشکلات سے دوچار کرنا چاہتا ہے۔
عبداللہ حسین ہارون نے کہا کہ حکومت پاکستان کو امریکہ کی وابستگی سے باہر نکل کر مستقل پالیسیاں اپنانا ہوں گی۔
انہوں نے پاکستان کے ہمسایہ ملکوں کے ساتھ تعلقات کو فروغ دینے کی ضرورت پر تاکید کی ۔
قابل ذکر ہے کہ حالیہ برسوں کے دوران پاکستان اور امریکہ کے تعلقات میں سخت کشیدگی کا مشاہدہ کیا جارہا ہے۔
