امریکہ میں ایمرجنسی کا نفاذ غیر آئینی ہے
امریکی ارکان کانگریس:
نیوزنور18فروری/ امریکی کانگریس کے ارکان نے کہاہے کہ ملک میں ایمرجنسی کا نفاذ غیر آئینی ہے۔
عالمی ار دوخبررساں ادارے’’نیوزنور‘‘کی رپورٹ کے مطابق امریکی کانگریس کے ارکان نے کہاہے کہ ملک میں ایمرجنسی کا نفاذ غیر آئینی ہے۔
ارکان نے ایمرجنسی کے نفاذ کو غیر آئینی قرار دیتے ہوئے متنازعہ فیصلے کو قانونی سطح پر چیلنج کرنے کا عندیہ دیا ہے۔اسپیکر نینسی پلوسی نے کانگریس میں قرارداد لانے اور رائے شماری کرانے کا بھی اعلان کیا ہے۔
واضح رہے کہ امریکی صدر ڈونلڈ ٹرمپ نے اپنے ایک اور متنازع اقدام میں میکسیکو سرحد پر حفاظتی دیوار کی تعمیر کے لیے درکار فنڈز پر اپوزیشن جماعت سے تنازع کے بعد ملک بھر میں ایمرجنسی نافذ کردی جس کے باعث صدر ٹرمپ حفاظتی دیوار کے تعمیری فنڈز کے اجراء میں آزاد اور خود مختار ہوجائیں گے۔
امریکی صدر نے میکسیکو کی سرحد پر حفاظتی دیوار کی تعمیر کے لیے 5.7 بلین ڈالر کے فنڈ کا مطالبہ کیا تھا، کانگریس کے انکار پر صدر نے بجٹ دستاویزات پر دستخط نہ کرکے حکومتی شٹر ڈاؤن کی راہ ہموار کردی جس پر کانگریس 1.4 بلین ڈالر کی فراہمی کے لیے رضامند ہوگئی تاہم صدر ٹرمپ نے اس رقم کو ناکافی قرار دیتے ہوئے ملک میں ایمرجنسی نافذ کردی۔
