ایران سے متعلق ٹرمپ کی پالیسی نقصان دہ ہے
جرمن وزیر خارجہ :
نیوزنور16فروری/جرمن وزیر خارجہ نے ایران سے متعلق ٹرمپ کی پالیسی کو نقسان دہ قرار دیتے ہوئے کہا ہے کہ ہم ایران جوہری معاہدہ سمیت تمام عالمی معاہدوں کے تحفظ کے خواہاں ہیں۔
عالمی اردو خبررساں ادارے’’نیوزنور‘‘کی رپورٹ کے مطابق جرمن وزیر خارجہ’’ ہائیکو ماس‘‘ میونخ سیکورٹی کانفرنس سے خطاب کرتے ہوئے
ایران سے متعلق ٹرمپ کی پالیسی کو نقسان دہ قرار دیتے ہوئے کہا کہ ہم ایران جوہری معاہدہ سمیت تمام عالمی معاہدوں کے تحفظ کے خواہاں ہیں۔
جرمن وزیر خارجہ نے ایران جوہری معاہدے سے امریکہ کی یک طرفہ علحٰیدگی پر تنقید کرتے ہوئے کہا کہ جرمنی، فرانس اور برطانیہ اس معاہدے کے تحفظ کے لئے بھرپور کوشش کر رہے ہیں۔
انہوں نے جوہری معاہدے کے تحفظ کی اہمیت کا ذکر کرتے ہوئے کہا کہ اگر یہ معاہدہ ختم ہوا تو علاقائی تنازعات میں شدت آئے گی۔
یار دہے کہ سیکورٹی کانفرنس کا جرمنی کے میونخ میں آغاز کیا گیا جس میں 100 سے زائد ممالک کے وزراء اور صدور شریک ہیں۔
واضح رہے کہ ایرانی وزیر خارجہ محمد جواد ظریف اور ان کے ہمراہ وفد منعقد ہونے والی تین روزہ عالمی کانفرنس میں شریک ہیں۔
