دوستی کی دوڑ اسرائیل کی ڈوبتی کشتی کو نہیں بچا سکتی
حماس کے غزہ پٹی میں سیاسی شعبے کے سربراہ:
نیوزنور18فروری/اسلامی تحریک مقاومت حماس کے غزہ پٹی میں سیاسی شعبے کے سربراہ نے کہا ہے کہ اسرائیلی دشمن کا زوال ناگزیر ہے اور عرب ممالک کی طرف سے اس کے ساتھ دوستی کی پنگیںبڑھانے کی دوڑ صہیونیوں کی ڈوبتی نیا کو نہیں بچا سکتی۔
عالمی اردو خبررساں ادارے’’نیوزنور‘‘کی رپورٹ کے مطابق اسلامی تحریک مقاومت حماس کے غزہ پٹی میں سیاسی شعبے کے سربراہ’’ یحییٰ السنوار‘‘نے کہا ہے کہ اسرائیلی دشمن کا زوال ناگزیر ہے اور عرب ممالک کی طرف سے اس کے ساتھ دوستی کی پنگیںبڑھانے کی دوڑ صہیونیوں کی ڈوبتی نیا کو نہیں بچا سکتی۔
اسرائیل سے دوستی خیانت کے عنوان سے سوشل میڈیا پر جاری مہم کا جواب دیتے ہوئے السنوار نے کہا کہ غاصب دشمن اس غلط فہمی میں نہ رہے کہ وہ بعض عرب ملکوں کے ساتھ قربت پیدا کرکے خود کو تباہی سے بچا لے گاکیونکہ صہیونی دشمن کا زوال قریب ہے۔
دریں اثنا حماس کے عسکری ونگ عزالدین القسام بریگیڈ کے ترجمان ابو عبیدہ نے مسلمہ امہ کے شرفاء پر زور دیا کہ وہ اسرائیل کے ساتھ دوستی کے خلاف جاری سوشل میڈیا مہم میں بڑھ چڑھ کر حصہ لیں۔
انہوں نے کہا کہ فلسطینی قوم کو عالم اسلام کی طرف سے معاونت کے ساتھ فلسطینی مقاومت کو بھی مادی، سیاسی اورثقافتی مدد کی ضروت ہے۔
ابو عبیدہ نے مزید کہا کہ مقاومت فلسطینی تنظیموں ہی کا نہیں بلکہ پوری قوم کا دشمن کے غاصبانہ تسلط سے آزادی کا ذریعہ ہے فلسطینی قوم مقاومت ہی کے ذریعے وطن کو آزاد کرانے اور مقدسات کو دشمن کے ناپاک پنجوں سے نجات دلانے میں کامیاب ہوں گے۔
