جنوبی افریقہ میں مسلح افراد کا امام حسینؑ مسجد پر حملہ امام شہیداور مسجد نذر آتش
جنوبی افریقہ میں مسلح افراد کا امام حسینؑ مسجد پر حملہ امام شہیداور مسجد نذر آتش
نیوزنور11مئی/جنوبی افریقہ کے شہر ڈربن میں مسجد امام حسینؑ پر مسلح افراد نے حملہ کرکے امام مسجد کو شہید اور مسجد کو نذرآتش کردیا۔
عالمی اردو خبررساں ادارے’’نیوزنور‘‘کی رپورٹ کے مطابق جنوبی افریقہ کے شہر ڈربن میں تین مسلح افراد نے امام حسین مسجد میں داخل ہو کر نمازیوں اور امام مسجد پر چاقوؤں سے حملہ کیا جس کے نتیجے میں امام مسجد اور دو نمازی شدید زخمی ہو گئے۔
زخمیوں کو طبی امداد کے لیے فوری طور پر اسپتال منتقل کیا گیامگر
امام مسجد دوران علاج زخموں کی تاب نہ لاتے ہوئ
ے شہید ہوگئے۔
پولیس کے مطابق حملے کے محرکات کا علم نہیں ہو سکا ہےاور وہ حملہ آوروں کی تلاش بھی جاری رکھے ہوئے ہیں۔
واضح رہے کہ جنوبی افریقہ کے شہر ڈربن میں یہ سانحہ اس وقت پیش آیا ہےجب مسلمانوں کا مقدس ترین مہینہ رمضان المبارک شروع ہونے میں صرف ایک ہفتہ رہ گیا ہےمسلمانوں میں اس حادثے کے باعث شدید غم و غصہ پایا جاتا ہے۔
