دنیا کے ستمگر جان لیں کہ ان کی عاقبت نابودی ہی ہے
جنرل سلیمانی:
نیوزنور11اگست/سپاہ پاسداران کی قدس بریگیڈ کے سپہ سالار نے کہا ہے کہ دنیا کے ستمگر یہ بات جان لیں کہ ان کی عاقبت نابودی ہی ہے۔
عالمی اردو خبررساں ادارے’’نیوزنور‘‘کی رپورٹ کے مطابق سپاہ قدس بریگیڈ کے سربراہ ’’جنرل قاسم سلیمانی ‘‘نے اس بیان کے ساتھ کہ دنیا کے ستمگر یہ بات جان لیں کہ ان کی عاقبت نابودی کے سوا کچھ نہیں کہاکہ دنیا کے مظلوموں پر ظلم ڈھانے والوں کی مثال ایک بلند پہاڑ پر جمی برف کی مانند ہے جو آہستہ آہستہ پگھل جاتی ہے جبکہ پہاڑ اپنی جگہ پر رہ جاتا ہے۔
انہوں نے کہا کہ دنیا کے ظالم ایک بلند پہاڑ پر برف کی مانند ہیں جو آہستہ آہستہ پگھل جاتی ہے جبکہ پہاڑ اپنی جگہ پر رہ جاتا ہے۔
سپاہ قدس کے کمانڈر نے کہا کہ ظالم کا وجود دنیا سے ختم ہوکر رہے گا جبکہ مظلوم دنیا میں ہمیشہ کیلئے زندہ رہیں گے۔
انہوں نے کہا کہ راہ حق میں جان نثار کرنے والے شہداء کا نام ہمیشہ کیلئے زندہ و جاویداں رہتے ہیں ۔
قاسم سلیمانی نے مزید کہا کہ داعش اور اسے پیدا کرنے والوں جیسے دنیا کے تمام ظالم آج اگر چہ مظلوموں پر ستم ڈھانے کیلئے ایک ہوگئے ہیں لیکن پھر بھی وہ مظلوموں کا مقابلہ کرنے سے قاصر ہیں ۔
