اسرائیل کے سر پر موت کا سایہ ہمیشہ منڈلا رہا ہے
صہیونی رہنما:
نیوزنور11اگست/صیہونی یونین پارٹی کے ایک رہنما نے کہا ہے کہ اسرائیل کی اکثر سیاسی پارٹیاں ریاست کی موجودہ صورتحال سے پریشاں حال ہیں اورنیتن یاہو کی مخالف بہت ساری سیاسی شخصیتوں کا ماننا ہے کہ یہ صورتحال نیتن یاہو کی ناسنجیدہ حرکتوں کی وجہ سے پیش آئی ہے۔
عالمی اردو خبررساں ادارے’’نیوزنور‘‘کی رپورٹ کے مطابق صہیونی یونین پارٹی کے رہنما ’’آوی گابی‘‘ نے حیفا میں واقع سدوت کے علاقے کا دورہ کرتے ہوئے کہاکہ اسرائیل کے حکمران اور فوج انتہائی طور پر عدم استحکام کا شکار ہو چکے ہیں۔
انہوں نے کہا کہ موجودہ حکومت حماس کا مقابلہ کرنے کی توانائی نہیں رکھتی اور نہ ہی ان کے ساتھ مذاکرات کی ہمت کر سکتی ہے۔
موصوف رہنما نے کہا کہ دنیا میں کوئی بھی یہودی معاشرہ ایسا نہیں ہے جس کے سر پر ہمیشہ موت کا سایہ منڈلا رہا ہو صرف اسرائیل میں بسنے والا یہودی معاشرہ اس صورتحال سے دوچار ہے۔
واضح رہے کہ اسرائیل اپنے قیام سے آج تک فلسطینیوں پر ظلم و تشدد روا رکھنے کی وجہ سے زوال کے دہانے پر کھڑا ہے اور ایک دن جلد ایسا آئے گا جب مظلوم فلسطینیوں کے لہو کا سیلاب اسے اپنے ساتھ بہا لے جائے گا۔
