نیوزنور newsnoor

ریڈیو اور ٹیلی ویژن کے ڈائریکٹر :

 نیوزنور09 اگست/اسلامی جمہوریہ ایران کے ریڈیو اور ٹیلی ویژن کے ڈائریکٹرنے کہا ہے کہ ایران علاقے میں دشمن کی جانب سے من گھڑت خبر بنانے سے بخوبی واقف ہے اور اس کا مقابلہ کر رہا ہے کہ جس سے اس شعبے میں صحیح اور درست خبر بنانے والے صحافی نکھر کر سامنے آتے ہیں

عالمی اردوخبررساں ادارے’’نیوزنور‘‘ کی رپورٹ کے مطابق اسلامی جمہوریہ ایران کے ریڈیو اور ٹیلی ویژن کے ڈائریکٹر’’عبدالعلی علی اصغری‘‘ نے صحافت کے دن کی مناسبت سے تہران میں منعقد ہونے والے سیمینارمیں آج کی دنیا میں صحافیوں اور ذرائع ابلاغ کی اہمیت پر روشنی ڈالتے ہوئے کہاکہ دشمنوں کی جانب سے خبری ادبیات کے پیکیج کو تخریب کارانہ قرار دیتے ہوئے کہا کہ دشمن کے تخریبی اقدامات میں نہ آتے ہوئے خبر کے صحیح اور درست ہونے کے لئے خاص توجہ کی ضرورت ہے۔

انہوں نے کہا کہ ایران علاقے میں دشمن کی جانب سے من گھڑت خبر بنانے سے بخوبی واقف ہے اور اس کا مقابلہ کر رہا ہے کہ جس سے اس شعبے میں صحیح اور درست خبر بنانے والے صحافی نکھر کر سامنے آتے ہیں۔

موسوف ڈائریکٹر نے ایرانی قوم کو مایوس کرنے اور ان کے مستقبل کو مبہم پیش کرنے کے لئے دشمنوں کی سازشوں کی جانب اشارہ کرتے ہوئے کہا کہ ایران کے دشمنوں نے فارسی زبان میں 290 چینل شروع کر رکھے ہیں جن کےذریعے وہ ایران کے خلاف پروپیگنڈہ کر رہے ہیں۔

ایران کے ریڈیو اور ٹیلی ویژن کے ڈائریکٹر نے کہاکہ امریکہ اینٹرنٹ اور سوشل میڈیا  کی اہمیت سے واقف ہے اس لئے اس نے اب تک دوسرے ممالک کو اس میں شریک نہیں کیا ہے اس لئے کہ امریکہ اسے اپنے مفادات کے حصول کے لئے استعمال کر رہا ہے۔