امریکہ کے ایران مخالف اقدامات انسانی حقوق کی کھلی خلاف ورزیاں ہیں
عصائب اہل الحق عراق:
نیوزنور09 اگست/عراق کی اسلامی تحریک مقاومت عصائب اہل الحق نے ایران کے خلاف امریکہ کی یکطرفہ پابندیوں کو انسانی حقوق کی کھلی خلاف ورزی قراردیا ہے ۔
عالمی اردوخبررساں ادارے’’نیوزنور‘‘ کی رپورٹ کے مطابق ایک بیان میں عصائب اہل ا لحق عراق نے کہا ہے کہ دنیا کے اکثر ممالک نے اسلامی جمہوریہ ایران کےخلاف امریکہ کی یکطرفہ پابندیوں کو مسترد کیا ہے جسے ثابت ہوتا ہے کہ دنیا کی امن وحریت پسند عوام امریکہ کی عالمی غنڈہ گردی کو مسترد کرتی ہے ۔
انہوں نے کہاکہ چین ،ہندوستان ،ترکی اوریورپی یونین جیسی اہم طاقتوں نے ایران مخالف امریکی اقدامات کو مسترد کرتے ہوئے اسلامی جمہوریہ کےساتھ اپنے اسٹریٹجک تعلقات برقراررکھنے کا عزم ظاہر کیا ہے جسے ظاہر ہوتا ہے کہ امریکہ آج عالمی سطح پر تنہا ہوکر رہ گیا ہے۔
عراقی اسلامی تحریک مقاومت کی طرف سے جاری کردہ بیان میں کہاگیا ہے کہ اسلامی جمہوریہ ایران عراق کا اسٹریٹجک پارٹنر ہے اورتمام میدانوں میں دونوں ممالک کے درمیان تعلقات کو مزید فروغ دیا جائےگا۔
