نیوزنور newsnoor

ٹرمپ کی سابق اسسٹنٹ:

 نیوزنور04اگست/امریکی صدر ڈونالڈ ٹرمپ کی سابق اسسٹنٹ نے انکشاف کیا ہے کہ امریکہ کے موجودہ صدر کی دماغی صلاحیت آہستہ آہستہ کم ہو رہی ہے۔

عالمی اردو خبررساں ادارے’’نیوزنور‘‘کی رپورٹ کے مطابق امریکی صدر ڈونالڈ ٹرمپ کی سابق اسسٹنٹ ’’اوماروسا مینیگولٹ نیومین ‘‘نے صدر ڈونالڈ ٹرمپ پر ایک اور تہلکہ خیز کتاب جو  جلد ہی منظر عام پر آ رہی ہے میں انکشاف کیا ہے کہ ٹرمپ کی دماغی صلاحیت آہستہ آہستہ کم ہو رہی ہے۔

 صدر ڈونلڈ ٹرمپ کی سابق اسسٹنٹ نے اپنی کتاب میں لکھا کہ ان کی ذہنی صلاحیت کم ہو رہی ہے اور اس حقیقت سے انکار نہیں کیا جا سکتا۔

اوماروسا کی کتاب کے چند حصے ایک برطانوی اخبار نے شائع کئے ہیں، وہ لکھتی ہیں کہ اس بات کا احساس انہیں صدر ٹرمپ کے صحافی ہوپ ہکس کو مئی میں انٹرویو کے دوران ہوا۔

اوماروسا نے لکھا کہ یہ انٹرویو انہوں نے اوپر والے پریس روم میں بہت غور سے دیکھا صدر ٹرمپ اپنی ہی باتوں کی تردید کرتے رہےاوران کے جملے بے ترتیب اور بے معنی تھے۔

واضح رہے کہ اوماروسا کو گزشتہ برس 13 دسمبر کو ڈونالڈ ٹرمپ کے چیف آف سٹاف جان کیلی سے جھگڑے کے بعد ملازمت سے نکالا کیا گیا تھا۔