نیوزنور newsnoor

سینئر حزب اللہ عہدیدارے:

نیوزنور04 اگست/حزب اللہ لبنان کے ایک سینئر عہدیدار نے کہا ہے کہ اسلامی مقاومت کی طاقت  سے ٹرمپ کی نام نہاد سنچری ڈیل کے منصوبے کو ناکام بنادیا جائےگا۔

عالمی اردوخبررساں ادارے’’نیوزنور‘‘ کی رپورٹ کے مطابق ’’حجت الاسلام صیف الدین ‘‘نےکہاکہ اسلامی مقاومت کی طاقت  سے ٹرمپ کی نام نہاد سنچری ڈیل کے منصوبے کو ناکام بنادیا جائےگا۔

انہوں نے کہاکہ ماضی میں عرب حکمران اپنی  ذلت اور کمزوری کو چھپاتے تھے لیکن آج کھلے طورپر اس کا اعتراف کرتے ہیں جبکہ تحریک مقاومت حزب اللہ نے اپنے اس ہدف  کہ فلسطین کو صیہونی رژیم کے چنگل سے آزاد کرانا ہے کو سب پر واضح کردیا ہے اورہم اس مؤقف سے ہر گز دستبردار نہیں ہونے والےہیں ۔

شام میں حزب اللہ اوراس کے اتحادیوں کے حالیہ فتوحات کے بارے میں انہوں نے کہاکہ  اگر ہمارے پاس فوجی طاقت نہ ہوتی تو ہم  شام میں اتحاد کا تحفظ نہیں کرپاتے حتیٰ مسئلہ فلسطین کو بھی  فراموش کیا جاچکا ہوتا۔

انہوں نے کہاکہ ڈونالڈ ٹرمپ کی نام نہاد سنچری ڈیل کو  اسلامی مقاومت کی طاقت سے ناکام کردیا جائےگا۔