ایران کے خلاف عائد کردہ ناجائز پابندیاں فوری طور ختم کی جائیں
عالمی انسانی حقوق ادارے:
نیوزنور01اگست/انسانی حقوق کے حامیوں اور عوامی تنظیموں کے ارکان نے ایران کے خلاف امریکی پابندیاں فوری طور پر ختم کرنے کا مطالبہ کیا ہے۔
عالمی اردو خبررساں ادارے’’نیوزنور‘‘کی رپورٹ کے مطابق ایران کے خلاف پابندیاں فوری طور پر ختم کی جائیں کے عنوان سے وائٹ ہاؤس کی ویب سائٹ پر لوڈ کی جانے والی اپیل میں کہا گیا ہے کہ اقتصادی پابندیوں کی کوئی توجیح نہیں کی جاسکتی کیونکہ یہ پابندیاں انسانی حقوق کی بڑے پیمانے پر خلاف ورزی پر متنج ہوتی ہیں۔
وائٹ ہاوس کی ویب سائٹ پر لوڈ کی جانے والی اس اپیل میں ایرانی عوام کے خلاف چار عشرے سے جاری امریکی پابندیوں کو غیر منصفانہ قرار دیا گیاہے ۔
اپیل میں انسانی حقوق کے حامیوں اور این جی اوز نے وائٹ ہاؤس سے ایران کے خلاف تمام پابندیاں فوری طور پر معطل کرنے کا مطالبہ کیا ہے۔
اپیل کے آخر میں اسٹاپ ایران سینکشن اور اسٹاپ ٹرمپ جیسے ہیش ٹیگ بھی لکھے گئے ہیں۔
