امریکہ کی اقتصادی بالادستی کو قبول نہیں کیا جاسکتا
چینی صدر:
نیوزنور 28 جولائی /چین کے صدر نے امریکا کی خودسرانہ پالیسیوں اور چین کے ساتھ واشنگٹن کی تجارتی جنگ میں شدت کی بابت خبردار کیا ہے۔
عالمی اردوخبررساں ادارے’’نیوزنور‘‘کی رپورٹ کے مطابق چین کے صدر’’ شی جین پنگ ‘‘نے جنوبی افریقہ کے شہر جوہانسبرگ میں بریکس کے سربراہی اجلاس میں تقریر کے دوران امریکا کی توسیع پسندانہ اور خود سرانہ پالیسیوں اور اقدامات پر تنقید کرتے ہوئے کہا کہ اقتصادی بالادستی کو قبول نہیں کیا جاسکتا اور یہ رویّہ بین الاقوامی اقتصادی نظام کو نقصان پہنچا رہا ہے۔
انہوں نے کہا کہ امریکا کی من مانی اور خود سرانہ پالیسیوں کی دنیا میں کہیں بھی پذیرائی نہیں ہے اور اس قسم کی پالیسیوں کا کسی کو فائدہ نہیں ہوگا۔
انہوں نے بریکس کے رکن ملکوں کے سربراہوں سے کہا کہ وہ چندقطبی نظام کی حمایت کرکے امریکہ کی یک قطبی پالیسی کی مخالفت کریں ۔
