مسلم اتحاد کو پارہ پارہ کرنے کی دشمنوں کی سازشوں سے ہوشیار رہنے کی ضرورت ہے
ایرانی اہلسنت عالم دین:
نیوز نور23 جولائی/اسلامی جمہوریہ ایران کے ایک اہلسنت عالم دین نےکہا ہے کہ ایران مسلمانوں کے مابین وحدت کا قائل ہےاور اسلا می جمہوریہ ایران کے بنیادی قانون میں اہلسنت کے تمام مسالک کے احترام میں رسمی طور پر ایک شق مخصوص کی گئی ہے۔
عالمی اردوخبررساں ادارے’’نیوزنور ‘‘ کی رپورٹ کے مطابق تہران یونیورسٹی میں فقہ شافعی کے استاد ’’ڈاکٹرمصطفی ذوالفقار طلب ‘نے ہندوستانی علماء سے ملاقات کے دوران کہا کہ ایران مسلمانوں کے مابین وحدت کا قائل ہےاور اسلا می جمہوریہ ایران کے بنیادی قانون میں اہلسنت کے تمام مسالک کے احترام میں رسمی طور پر ایک شق مخصوص کی گئی ہے۔
انہوں نے کہا کہ امام خمینیؒ نے اہلیبیت (ع) کی احادیث سے استناد کرتے ہوئے اہلسنت کے ساتھ نماز جماعت میں شرکت اورجماعت کی تشکیل کے جائز ہونے کا فتوا دیا ہے۔
انہوں نے کہا کہ رہبر معظم انقلاب اسلامی حضرت آیت اللہ العظمیٰ سید علی خامنہ ای نے بھی اپنے فتوے میں اہلسنت کی مقدسات کی توہین کو حرام قرار دیا ہے۔
موصوف اہلسنت عالم دین نے کہا کہ اسلامی جمہوریہ ایران کی حکومت نے ملک میں بہت سی اہلسنت کی مساجد اور مدارس قائم کئے ہیں اور اہلسنت کی کافی خدمت کی ہے۔
انہوں نے تہران یونیورسٹی میں فقہ حنفی کی تدریس کی طرف اشارہ کرتے ہوئے کہاکہ یونیورسٹی برائےمذاہب اسلامی جو کہ رہبر جمہوری اسلامی ایران حضرت آیت اللہ العظمیٰ سید علی خامنہ ای کے حکم سے تعمیر کی گئی ہے میں فقہ حنفی اور دوسرے مذاہب اسلامی کے فقہ بھی تدریس کی جاتی ہے۔
انہوں نےمزید کہا کہ اہلسنت خود کو ایران میں کبھی اجنبی محسوس نہیں کرتے اور زندگی کے تمام شعبوں میں از جملہ سیاست ، اقتصاد وغیرہ میں اہلسنت کی مشارکت اور مشاورت بھی شامل ہوتی ہے۔
