ایران بھارت تعلقات کسی تیسرے فریق کے مرہون منت نہیں ہیں
ہندوستانی عہدیدار:
نیوزنور20 جولائی/ ہندوستان کے ایک اعلیٰ عہدیدار نے کہا ہے کہ اسلامی جمہوریہ ایران اور بھارت کے مابین تعلقات کسی تیسرے فریق کے مرہون منت نہیں ہیں۔
عالمی اردوخبررساں ادارے’’نیوزنور‘‘ کی رپورٹ کے مطابق وی کے سنگھ نے ایک بیان میں کہاکہ اسلامی جمہوریہ ایران اور بھارت کے مابین تعلقات کسی تیسرے فریق کے مرہون منت نہیں ہیں۔
انہوں نے کہا کہ بھارت ایران کے ساتھ چابہار سمیت توانائی، تجارت اور دیگر شعبوں میں طویل مدتی شراکت داری کا خواہاں ہے۔
انہوں نے ایران کے خلاف امریکی پابندیوں کا ذکر کرتے ہوئے کہا کہ بھارت کی جانب سے ایران کے ساتھ تعلقات پر کسی تیسرے فریق کی پولیسیوں کی وجہ سے کوئی اثر نہیں پڑے گا۔
اس موقع پر انہوں نے کہا کہ ایران کے ساتھ بھارت کے تعلقات اپنی پوزیشن پر قائم ہیں اور ایران کے ساتھ روابط بھارت کے لئے نہایت اہمیت کے حامل ہیں۔
بھارت کی جانب سے یہ بیانات اس وقت سامنے آئے ہیں جب ایک طرف نائب ایرانی وزیر خارجہ عباس عراقچی نے دو روز پہلے بھارت کا دورہ کیا جبکہ دوسری طرف بھارتی وزیر خارجہ اور امریکی نائب سیکرٹری کی ملاقات ہوئی ہے۔
