نیوزنور newsnoor

حامد کرزئی:

نیوزنور19 جولائی/افغانستان کے سابق صدر نے کہا ہے کہ امریکا افغانستان سےکبھی بھی مکمل انخلا نہیں کرے گا۔

عالمی اردوخبررساں ادارے’’نیوزنور‘‘کی رپورٹ کے مطابق چینی میڈیا کےساتھ انٹرویو میں سابق افغان صدرحامد کرزئی نے امریکا کے وزیر خارجہ مائیک پومپیو کے اس حالیہ بیان کی سختی سے تردید کی کہ افغانستان میں صورتحال بہتر ہے۔

 انہوں نے کہا حقیقت میں صورتحال مزید خراب ہو گئی ہے اور افغانستان میں امریکا کی حکمت عملی ناکام ہو گئی ہے ملک میں سیکورٹی کی صورتحال ابتر ہے، امریکا کبھی بھی مکمل انخلا نہیں کرے گا۔

انہوں نے کہا کہ بہتری کا مطلب ہے جنگ بند ہو اور ملک میں امن ہو، انہوں نے کہا امریکا اپنی فوجیں افغانستان سے نہیں نکالے گا اور اگرامریکہ افغانستان سے نکل جاتا ہے تو ایران، چین، روس ، ہندوستان اور پاکستان کے ساتھ دو طرفہ معاہدوں سے افغانستان میں امن قائم ہو سکتا ہے۔