ہندوستان جوہری معاہدے پر کاربندہے
سید عباس عراقچی:
نیوزنور17جولائی/ اسلامی جمہوریہ ایران کے نائب وزیر خارجہ نے کہا ہے کہ ہندوستان نےجوہری معاہدے پر کاربند رہنے پر تاکید کی ہے۔
عالمی اردوخبررساں ادارے’’نیوزنور‘‘کی رپورٹ کے مطابق اسلامی جمہوریہ ایران کے نائب وزیر خارجہ اور اعلی مذاکرات کار ’’سید عباس عراقچی ‘‘نے جو ان دنوں ہندوستان کے دورے پر ہیں کہا کہ ان کے نئی دہلی کے دورے کا مقصد ایران اور ہندوستان کے مابین 15 ویں دور کے اجلاس میں شرکت کرنا ہے۔
انہوں نے کہا کہ اس اجلاس میں جوہری معاہدے سے متعلق تازہ ترین صورتحال اور جوہری معاہدے سے امریکہ کے نکل جانے کے بعد دونوں ملکوں کے روابط کو جاری رکھنے کا جائزہ لیا جائیگا۔
ایران کے نائب وزیر خارجہ نے اس جانب اشاہ کرتے ہوئےکہ ہندوستان ایران سے تیل خریدنے والا ایک بڑا ملک ہے کہا کہ ہندوستان کی حکومت ایران سے تیل خریدنے میں دلچسپی رکھتی ہے۔
ایران کے نائب وزیر خارجہ نے ایران اور ہندوستان کے تعلقات کو تاریخی قرار دیتے ہوئے کہا کہ دونوں ممالک کی کوشش ہے کہ ان تعلقات کو بہترین صورت میں جاری رکھا جائے۔
