ایران کا تیل فروخت ہوتا رہےگا
سه شنبه, ۱۷ جولای ۲۰۱۸، ۱۱:۱۹ ق.ظ
فرانسیسی وزیر خارجہ :
نیوزنور17جولائی :فرانس کے وزیر خارجہ نے کہا ہے کہ یورپی ممالک ایران کو تیل کی فروخت کی ضمانت دینے کی کوشش کر رہے ہیں۔
عالمی اردوخبررساں ادارے‘‘نیوزنور’’کی رپورٹ کے مطابق بریسلز میں یورپی یونین کے وزرائے خارجہ کے اجلاس سے قبل اپنے ایک بیان میں فرانس کے وزیر خارجہ جان ایوے لے دریان نے کہا کہ یورپی یونین ایران کے ساتھ ہونے والے ایٹمی معاہدے کو باقی رکھنے کی بھرپور کوشش کر رہی ہے۔
انہوں نے کہا کہ ہماری کوشش ہے کہ اس بات کا اطمینان حاصل کیا جائے کہ ایران کا تیل بغیر کسی رکاوٹ کے فروخت ہوتا رہے۔
فرانسیسی وزیر خارجہ نے کہا کہ یورپی ملکوں کے وزارائے خارجہ اجلاس کے دوران ہم ایٹمی معاہدے کے بارے میں بھی تبادلہ خیال کریں گے۔
