آبنائے ہرمز کی بندش سے1973ء کا توانائی بحران دہرایا جائے گا
روسی نیوز ایجنسی:
نیوزنور16جولائی/روسی نیوز ایجنسی نے اپنی ایک رپورٹ میں کہا ہے کہ آبنائے ہرمز کی بندش کیساتھ ایک بار پھر1973ء کا توانائی بحران دہرایا جائے گا۔
عالمی اردو خبررساں ادارے’’نیوزنور‘‘کی رپورٹ کے مطابق روسی نیوزایجنسی ’’اسپوٹنیک ‘‘نے اپنی ایک رپورٹ میں کہا کہ آبنائے ہرمز کی بندش کیساتھ ایک بار پھر1973ء کا توانائی بحران دہرایا جائے گا۔
رپورٹ کے مطابق امریکہ نے ایران سے تیل کی برآمدات کو مکمل طور پر روکنے کی دھمکی دی ہے اور اپنے اس اقدام کے لیے بہارت اور چین سے بھی ایرانی تیل کی درآمدات منقطع کرنے کا مطالبہ کیا ہے۔
رپورٹ کے مطابق بہت سے ماہرین اور سیاسی تجزیہ کاروں نے کہا کہ اگر ٹرمپ بین الاقوامی طور پر اپنے تمام مطالبات تک پہنچے اور ایران کے خلاف پابندیوں کو جاری رکھے ممکن ہے کہ ایران بھی اس اقدام کے جواب میں آبنائے ہرمز کو بند کرے اور یہ اقدام دنیا اور مشرقی وسطٰی کو سخت اورخطرناک بحران کا شکار کرے گا۔
واضح رہے کہ آبنائے ہرمز کی اہمیت کا اندازہ اس بات سے لگایا جاسکتا ہے کہ روزانہ دنیا بھر میں تیل کی کل رسد کا 20 فیصد آبنائے سے گزرتا ہے۔
