امریکہ عسکری لحاظ سے بدترین صورتحال کا شکار ہے
سپاہ پاسداران انقلاب اسلامی :
نیوزنور12 جولائی/ سپاہ پاسداران انقلاب اسلامی کے ترجمان نے کہا ہے کہ آج امریکہ عسکری لحاظ سے بدترین صورتحال کا شکار ہے اور وہ اس حقیقت کو جھٹلا نہیں سکتا۔
عالمی اردوخبررساں ادارے’’نیوزنور‘‘کی رپورٹ کے مطابق سپاہ پاسداران انقلاب اسلامی کے بریگیڈیئر جنرل ’’رمضان شریف‘‘ نے ایک مقامی تقریب سے خطاب کرتے ہوئے کہاکہ آج امریکہ عسکری لحاظ سے بدترین صورتحال کا شکار ہے اور وہ اس حقیقت کو جھٹلا نہیں سکتا۔
انہوں نے کہا کہ آج امریکہ اپنی ماضی کی طاقت پر بھروسہ نہیں کرسکتاسمندری میں امریکی بیڑے اب جہاں دل چاہے نہیں جاسکتے بلکہ امریکہ کے ماہر کوسٹ گارڈز بھی ایرانی مجاہدین کے سامنے سر جھکانے پر مجبور ہوجاتے ہیں اور انہیں ایران کی سمندری حدود کی خلاف وزری کرنے پر شرمندگی ہوتی ہے۔
سپاہ پاسداران انقلاب اسلامی کے ترجمان نے کہا کہ آج ایران کی دفاعی اور جنگی صلاحیت میں نمایاں اضافہ ہوا ہے اور ہم وطن عزیز کے خلاف ممکنہ خطرات سے نمٹنے کے لئے ہر وقت آمادہ ہیں۔
انہوں نے کہا کہ آٹھ سالہ مسلط کردہ جنگ کے دوران جوانوں کی لازوال قربانیوں کی بدولت آج ماضی کے مقابلے میں ایران کی طاقت میں قابل قدر اضافہ ہوا ہے۔
