ایران کے ساتھ اقتصادی تعاون کے طریقہ کار کے نفاذ کو یقینی بنائیں گے
یورپی یونین کے امور خارجہ کی انچارج:
نیوزنور07جولائی/یورپی یونین کے امور خارجہ کی انچارج نے اسلامی جمہوریہ ایران کے ساتھ مشترکہ اقتصادی تعاون کی بحالی کے طریقہ کو نافذ کئے جانے کی ضرورت پر زور دیا ہے۔
عالمی اردو خبررساں ادارے’’نیوزنور‘‘کی رپورٹ کے مطابق ویانا میں جوہری معاہدے کے مشترکہ کمیشن کے دسویں اجلاس کے اختتام پر میڈیا سے گفتگو کرتے ہوئے ’’فیڈریکا موگرینی‘‘نے جوہری معاہدے کر برقرار رکھنے اور ایران کے ساتھ اقتصادی تعلقات کی بحالی کی ضرورت پر زور دیتے ہوئےکہا کہ اسلامی جمہوریہ ایران کے مشترکہ اقتصادی تعاون کی بحالی کے طریقہ کو نافذ کرنا ہوگا۔
یورپی یونین کے امور خارجہ کی انچارج نے کہا کہ مشترکہ کمیشن کے اجلاس میں امریکی علحٰیدگی سے پیدا ہونے والے مسائل کا جائزہ لیا گیا جبکہ تمام فریقوں نے بھی ایران کی جانب سے جوہری معاہدے پر مکمل عملدرآمد کی تصدیق کی ہے۔
انہوں نے کہا کہ شرکا ءنے ایران سے متعلق جوہری توانائی کے عالمی ادارے آئی اے ای اے کی گیارہویں رپورٹ کا بھی خیرمقدم کیا جس میں ایک بار پھر ایران کی مثبت کارکردگی کی تصدیق کی گئی ہے۔
فیڈ ریکا موگرنی نے مزید کہا کہ جوہری معاہدے کے باقی ماندہ فریقوں نےاس معاہدے کے مکمل نفاذ کے لئے ایران مخالف پابندیوں کے مکمل خاتمے پر زور دیا ہے۔
