شہداء فلسطین کے خون کے ساتھ دغا نہیں کریں گے
حماس کے سرکردہ سیاسی رہمنا:
نیوزنور03جولائی/فلسطینی مجلس قانون ساز کے ڈپٹی اسپیکر اور اسلامی تحریک مقاومت کے سرکردہ سیاسی رہنما نے کہا ہے کہ فلسطینی قوم اپنے شہداء کی قربانیوں اور وطن عزیز کے لیے بہائے گئے خون کے ساتھ بد عہدی نہیں کرے گی۔
عالمی اردو خبررساں ادارے’’نیوزنور‘‘کی رپورٹ کے مطابق پارلیمانی وفد کے ہمراہ شہداء غزہ کی یاد میں منعقدہ ایک تعزیتی کیمپ سے خطاب میں ’’ڈاکٹر احمد بحر‘‘ نے کہاکہ آزادی فلسطین کے لیے قوم نے اپنا خون بہایا ہےاور شہداء کے خون اور ان کی قربانیاں جلد رنگ لائیں گی۔
انہوں نے کہا کہ فلسطینی قوم کے شہیدوں کاخون مقدس ہےاورشہداء کے ساتھ کسی قسم کی بدعہدی نہیں کی جائے گی۔
ڈاکٹر احمد بحر نےمزید کہا کہ شہداء پوری قوم کے ہیرو ہیں اورفلسطینی قوم ان کے نقش قدم پر چلتے ہوئے آزادی کے لیے ہرطرح کی قربانیاں دیتی رہے گی۔
واضح رہے کہ جمعہ کے روز اسرائیلی فوج کی وحشیانہ فائرنگ کے نتیجے میں 13 سالہ یاسر ابو النجار اور 26 سالہ محمد الحمایدہ شہید ہوگئے تھے30 مارچ 2018ء سے اسرائیلی فوج کی وحشیانہ کارروائیوں میں شہید ہونے والے فلسطینیوں کی تعداد ڈیڑھ سو سے تجاوز کرچکی ہے جب کہ 15 ہزار سے زاید زخمی ہوئے ہیں۔
