نیوزنور newsnoor

اقوام متحدہ کے سیکریٹری جنرل :

نیوزنور03جولائی/اقوام متحدہ کے سیکریٹری جنرل نے کہا ہے کہ روہنگیائی مسلمانوں پر ڈھائے جانے والے مظالم سفاکیت اور منظم انداز میں کی گئی انسانی حقوق کی بدترین خلاف ورزی ہے۔

عالمی اردو خبررساں ادارے’’نیوزنور‘‘کی رپورٹ کے مطابق اقوام متحدہ کے سیکریٹری جنرل’’ انٹونیو گوتیریس‘‘نے بنگلہ دیش میں روہنگیائی مسلمانوں کے پناہ گزین کیمپوں کے دورے کے دوران کوکس بازار کیمپوں میں میانمار سے آئے روہنگیا ئی پناہ گزینوں سے ملاقات میں کہا کہ روہنگیائی مسلمانوں پر ڈھائے جانے والے مظالم سفاکیت اور منظم انداز میں کی گئی انسانی حقوق کی بدترین خلاف ورزی ہے۔

انہوں نے کہا کہ کیمپوں میں موجود لوگوں سے سفاکیت کے ناقابل یقین واقعات سنے  ان تمام مظالم کی ذمہ داری میانمارحکومت پر عائد ہوتی ہے  اور عالمی برادری بھی یہ مظالم رکوانے میں ناکام ہوئی ہے۔

انہوں نےمزید کہا کہ میانمارحکومت روہنگیائی مسلمانوں  پر مظالم ڈھانے والوں کے خلاف کارروائی کرےجبکہ میانمار فوج کے مظالم سے جان بچا کر آنے والے 7لاکھ سے زائد روہنگیائی بنگلہ دیش کے کیمپوں میں پناہ لیے ہوئے ہیں۔