سعودی ولی عہد کے خلاف بغاوت یقینی ہے
سعوددی شہزادہ:
نیوزنور28جون/آل سعود خاندان سے جدا ہونے والے ایک شہزادے نے کہا ہے کہ محمد بن سلمان کے خودسرانہ اقدامات کی وجہ سے شاہی خاندان میں شدید غم و غصہ پایا جاتا ہے اسی لئے محمد بن سلمان کے خلاف بغاوت یقینی ہے اس کے لئے صرف وقت کا انتظار ہے۔
عالمی اردو خبررساں ادارے’’نیوزنور‘‘کی رپورٹ کے مطابق سعودی شہزادے’’ خالد بن فرحان ‘‘کہ جنہوں نے جرمنی میں پناہ لے رکھی ہے اور جوسوشل میڈیا پر کافی سرگرم ہیں نے سعودی ولیعہد محمد بن سلمان کے اقدامات اورپالیسیوں اور خاصطور پر فلسطینی عوام کے خلاف امریکہ کی مخاصمانہ پالیسیوں کو آگے بڑھانے اور سینچری ڈیل کو عملی جامہ پہنانے کے تعلق سے ان کی کوششوں پرشدید تنقید کرتے ہوئے کہا کہ محمد بن سلمان کے خلاف بغاوت یقینی ہے اس کے لئے صرف وقت کا انتظار ہے۔
انہوں نے کہا کہ اسرائیل کے ساتھ تعلقات کو مستحکم بنانے کے لئے سینچری ڈیل کو عملی جامہ پہنانے کے لئے محمد بن سلمان کی عجلت صرف اس لئے ہے کہ وہ امریکہ کی غلامی کر کے ہر حال میں سعودی عرب کے تخت شاہی پر بیٹھنا چاہتے ہیں۔
دوسری جانب ایک صیہونی اخبار نے لکھا ہے کہ چار عرب ملکوں سعودی عرب، متحدہ عرب امارات، مصر اور اردن نے فلسطین کے خلاف امریکی سازشی منصوبے سینچری ڈیل کو قبول کر لیا ہے۔
