ایران کے بڑھتے علاقائی اثرورسوخ سے صیہونیوں پر دہشت طاری ہوچکی ہے
لبنانی سیاستدان:
نیوزنور25جون/لبنان کے ایک سینئر سیاستدان نے کہا ہے کہ جوہری معاہدے سے دستبردار ہوکر اسلامی جمہوریہ ایران پر دبا ؤ ڈالنے کی ٹرمپ کی کوششوں کا مقصد مسئلہ فلسطین میں اسلامی جمہوریہ ایران کے کردار کو کمزور کرنا ہے۔
عالمی اردو خبررساں ادارے’’نیوزنور‘‘کی رپورٹ کے مطابق لبنانی سینئر سیاسدان ’’علی فضلی‘‘نے کہا کہ جوہری معاہدے سے دستبردار ہوکر اسلامی جمہوریہ ایران پر دبا ؤ ڈالنے کی ٹرمپ کی کوششوں کا مقصد مسئلہ فلسطین میں اسلامی جمہوریہ ایران کے کردار کو کمزور کرنا ہے۔
انہوں نے کہاکہ امریکہ اوراسکے علاقائی اتحادی مسئلہ فلسطین سے متعلق نام نہاد صدی کی ڈیل کی راہ ہموار کررہے ہیں۔
انہوں نے کہاکہ اسلامی جمہوریہ ایران کے خلاف امریکہ کا دباؤ اس ملک کا جوہری پروگرام نہیں بلکہ فلسطینیوں کو ایران کی ہمہ گیر حمایت اورعلاقے میں اس کا بڑھتا اثرورسوخ ہے۔
انہوں نےمزید کہاکہ علاقے میں ایران کے بڑھتے اثرورسوخ کو غاصب صیہونی رژیم اپنے کیلئے خطرہ سمجھتی ہے ۔
