سعودی عرب کو ہتھیاروں کی فروخت بند کی جائے
برطانوی لیبر پارٹی کے رہنما:
نیوزنور25جون/برطانیہ کی لیبر پارٹی کے رہنما نے حکومت برطانیہ کی جانب سے یمنی عوام کے خلاف سعودی عرب کو ہتھیاروں سے لیس کئے جانے کی مخالفت کرتے ہوئے اس قسم کا اقدام فوری طور پر روکے جانے کا مطالبہ کیا ہے۔
عالمی اردو خبررساں ادارے’’نیوزنور‘‘کی رپورٹ کے مطابق برطانیہ کی لیبر پارٹی کے رہنما’’جرمی کوربین‘‘ نے حکومت برطانیہ کی جانب سے یمنی عوام کے خلاف سعودی عرب کو ہتھیاروں سے لیس کئے جانے کی مخالفت کرتے ہوئے اس قسم کا اقدام فوری طور پر روکے جانے کا مطالبہ کیا ہے۔
رپورٹ کے مطابق برطانیہ کی لیبر پارٹی کے رہنما نے یمن میں سیاسی عمل کی بحالی کی ضرورت پر زور دیتے ہوئے مطالبہ کیا ہے کہ لندن ریاض کی فوجی حمایت کرنا بند کرے۔
برطانیہ کی حزب اختلاف کے رہنما نے کہا کہ یمن میں بحران کو صرف مذاکرات سے ہی حل کیا جا سکتا ہے۔
کوربین نے مزیدکہا کہ ایسی حالت میں سعودی عرب کو ملنے والے ہتھیار یمنی عوام کے خلاف استعمال ہو رہے ہیں اسلئے ریاض کو ہتھیاروں کی فروخت بند کی جانی چاہئے۔
