امریکی آبادی اگر چہ دنیا کی مجموعی آبادی کا4فی صد ہے تاہم دنیا کا 40 فیصد اسلحہ امریکی عوام کے پاس ہے۔
گریجویٹ انسٹیٹیوٹ آف انٹرنیشنل اینڈ ڈیولپمنٹ اسٹیڈیز:
نیوزنور20جون/گریجویٹ انسٹیٹیوٹ آف انٹرنیشنل اینڈ ڈیولپمنٹ اسٹیڈیز نے اپنی ایک رپورٹ میں انکشاف کیا ہے کہ امریکی آبادی دنیا کی مجموعی آبادی کا صرف 4 فیصد ہے لیکن دنیا کا 40 فیصد اسلحہ امریکی عوام کے پاس ہے۔
عالمی اردو خبررساں ادارے’’نیوزنور‘‘کی رپورٹ کے مطابق جینوا میں’’ گریجویٹ انسٹیٹیوٹ آف انٹرنیشنل اینڈ ڈیولپمنٹ اسٹیڈیز‘‘ نامی ادارےنے اپنی ایک رپورٹ میں کہا کہ امریکی آبادی دنیا کی مجموعی آبادی کا صرف 4 فیصد ہے لیکن دنیا کا 40 فیصد اسلحہ امریکی عوام کے پاس ہے۔
رپورٹ میں انکشاف کیا گیا ہےکہ دنیا میں ایک ارب سے زائد اسلحہ موجود ہے جس میں سے 85 فیصد اسلحہ شہریوں کے ہاتھوں میں ہے۔
رپورٹ کے مطابق شہریوں کے پاس 85 کروڑ 70 لاکھ چھوٹی بڑی بندوقیں ہیں جس میں سے 39 کروڑ 30 لاکھ بندوقیں امریکہ میں ہیں لہذا اس اعتبار سے صرف امریکہ میں مجموعی اعتبار سے 25 ممالک سے زیادہ اسلحہ موجود ہے۔
رپورٹ کے مصنف ارون کرپ کے مطابق گزشتہ 10 برس کے دوران امریکہ میں بندوق کی ملکیت پر غیر معمولی زور دیا گیا ہے۔
