شام وایران استکبار کے خلاف اسلامی محاذ کے اہم ستون ہیں
شامی قانون ساز:
نیوز نور07جون/شام کے ایک سینئر قانون ساز نے کہا ہے کہ یروشلم القدس کو صیہونی قبضے سے آزاد کرانے کیلئے دنیا بھر کے تمام مسلمانوں کو متحد ہونے کی ضرورت ہے۔
عالمی اردوخبررساں ادارے’’نیوزنور‘‘کی رپورٹ کے مطابق شامی پارلیمنٹ میں صوبہ حلب کے نمائندے ’’محمد فواز‘‘نےکہاکہ یروشلم القدس کو صیہونی قبضے سے آزاد کرانے کیلئے دنیا بھر کے تمام مسلمانوں کو متحد ہونے کی ضرورت ہے۔
انہوں نے کہاکہ اسلامی جمہوریہ ایران نے مسئلہ فلسطین کو زندہ اور علاقائی امن واستحکام کو برقراررکھنے میں زبردست کردار ادا کیا ہے۔
انہوں نے کہاکہ دنیا بھر کے تمام مسلمانوں کوصیہونی چنگل سے آزاد کرانے کیلئے جدوجہد کرنی چاہئے۔
انہوں نے اسلامی جمہور یہ ایران اورشام کو علاقے میں اسلامی مقاومت کی ریڈ کی ہڈی قراردیتے ہوئے کہاکہ دونوں ممالک سمیت اسلامی مقاومتی تحریکیں حماس ،حزب اللہ اوراسلامی جہاد کا قدس کے حوالے سے یکساں نظریہ ہے۔
انہوں نے کہاکہ دونوں ممالک صیہونی رژیم کی دہشتگردی کے خلاف جنگ میں اہم کردار ادا کررہے ہیں اورمقبوضہ فلسطین کی آزادی ایران اورشام کے بغیر ناممکن ہے۔
انہوں نے شام میں امریکہ ،فرانس اورترکی کی قابض افواج کے مستقبل کے بارے میں کہاکہ شامی صدر بارہا اعلان کرچکے ہیں کہ دمشق کی اجازت کے بغیر کسی بھی ملک کی فوج کو جارح فورس تصور کیاجائےگا اوران کےساتھ وہی سلوک کیاجائےگا جو مغرب اورسعودی عرب کے دہشتگردوں کےساتھ کیاگیا ہے۔
