امریکہ منافقین کا سب سے بڑاحامی ہے
چینی جامعہ المصطفی العالمیہ کے سربراہ
نیوزنور04جون/چین میں جامعہ المصطفی العالمیہ کے سربراہ نے کہا ہے کہ امریکہ اسلامی انقلاب ایران کے مخالف تنظیم اور باغی گروہ منافقین کا سب سے بڑا حامی رہا ہے۔
عالمی اردو خبررساں ادارے’’نیوزنور‘‘کی رپورٹ کے مطابق چین میں جامعہ المصطفی العالمیہ کے سربراہ ’’علی اکبر عطاران‘‘ نے کہا کہ منافقین نے استکباری اور صیہونی طاقتوں کی مدد سے ایرانی عوام اور انقلاب کے خلاف دہشتگردانہ کاروائیاں انجام دی ہیں۔
انہوں نے کہا کہ انقلاب اسلامی ایران کی فوری کامیابی کے بعد منافقین نے اس عوامی اوراسلامی انقلاب کو ختم کرنے کے لئے بیرونی طاقتوں کی مدد سے بھرپور کوشش کی جو عوامی اسلامی بیداری کی وجہ سے وہ اپنے مذموم عزائم میں ناکام رہے۔
موصوف سربراہ نے کہا کہ ماہ مبارک رمضان میں بھی ان دہشتگرد اور اسلام دشمن تنظیموں کی کاروائیاں نہیں رکی بلکہ سینکڑوں انقلابی شخصیات کو انقلاب ایران کے ابتدائی ایام میں ہی شہید کیا گیا۔
انہوں نے کہا کہ منافقین نے ایران میں ذلت آمیز شکست کے بعد عراق کا رُخ کیا اور عصر حاضر کے بدنام زمانہ صدام حسین کی حمایت میں اسلامی انقلاب کے خلاف مختلف جنگی محاذوں میں ایران مخالف لڑائیوں میں مصروف رہے۔
انہوں نے مزید کہا کہ اب تک 17 ہزار ایرانی عوام منافقین کے ہاتھوں شہید ہوئے ہیں۔
