امریکہ کی قیادت میں ایران مخالف شیطانی اتحاد شکست سے دوچار ہے
عالمی امور کے امریکی ماہر:
نیوزنوریکم جون/عالمی امور کے ایک امریکی ماہر نے کہا ہے کہ اسلامی جمہوریہ ایران کے خلاف امریکہ کی قیادت میں اسرائیل ،سعودی عرب ،بحرین اور متحد عرب امارات کا شیطانی اتحاد شکست سے دوچار ہے۔
عالمی اردوخبررساں ادارے’’نیوز نور‘‘کی رپورٹ کے مطابق ایرانی ذرائع ابلاغ کےساتھ انٹرویو میں ’’باربرا اصلاوی‘‘نےکہاکہ اسلامی جمہوریہ ایران کے خلاف امریکہ کی قیادت میں اسرائیل ،سعودی عرب ،بحرین اور متحد عرب امارات کا شیطانی اتحاد شکست سے دوچار ہے۔
انہوں نے جوہری معاہدے سے امریکہ کو علحیٰدہ کرنے کے ٹرمپ کے فیصلے کےبارے میں کہاکہ 2015ء میں جب یہ معاہدہ طے پایا تھا اس وقت سے امریکہ اس معاہدے کی خلاف ورزی کرتا رہا ہے۔
انہوں نے کہاکہ ٹرمپ نےامریکہ کو ایران جوہری معاہدے سے علحیٰدہ کرکے یہ اُمید کی تھی کہ اسلامی جمہوریہ ایران بھی اس معاہدے سے دستبردار ہوجائےگا ۔
انہوں نے اسلامی جمہوریہ ایران سے مارک پمپیو کے 12 مطالبات کو تہران کیلئے ناقابل قبول قراردیا ۔
انہوں نے کہاکہ اسلامی جمہوریہ ایران پر زیادہ سے زیادہ اقتصادی دباؤ ڈالنے کی اسٹریٹجی ناکامی سے دوچار ہے امریکہ کی اس اسٹریٹجی کے خلاف خود اس کے قریبی اتحادی منجملہ یورپ اورچین مخالف ہیں۔
انہوں نے کہاکہ اسلامی جمہوریہ ایران کے خلاف امریکہ کی قیادت میں اتحاد شکست سے دوچار ہے امریکہ کے ایران مخالف اقدامات تہران کو امریکہ کےسامنے ہرگز گھٹنے ٹیکنے پر مجبور نہیں کرسکتے۔
انہوں نے مزیدکہاکہ اسلامی جمہوریہ ایران کےساتھ آیندہ مذاکرات کے حوالے سے امریکہ کی کوئی واضح اسٹریٹجی نہیں ہے۔
