یروشلم عالمی سامراج واستعمار کے خلاف جد وجہد کی عظیم علامت ہے
بزرگ لبنانی شیعہ عالم دین:
نیوز نور30مئی /لبنان کے ایک بزرگ شیعہ عالم دین نے کہا ہے کہ یروشلم عالمی سامراج واستعمار کے خلاف جد وجہد کی عظیم علامت ہے۔
عالمی اردوخبررساں ادارے’’نیوز نور‘‘کی رپورٹ کے مطابق’’شیخ افیف نابلوسی‘‘نے لبنان کے دارالحکومت بیروت میں ایک فلسطینی وفد کےساتھ ملاقات میں کہا کہ یروشلم عالمی سامراج واستعمار کے خلاف جد وجہد کی عظیم علامت ہے۔
ا نہوں نے کہاکہ لبنانی عوام فلسطینی کاز کی حامی ہے اورہم غاصب اسرائیل کے خلاف فلسطینیوں کی مقدس جدوجہد کی حمایت جاری رکھیں گے۔
انہوں نے کہاکہ مقبوضہ فلسطینی علاقوں کی صیہونی قبضے سے آزادی کیلئے ہمیں مظلوم فلسطینی قوم کی ہر ممکن امداد کرنی چاہئے۔
انہوں نے کہاکہ امام خمینی ؒ نے ماہ رمضان کے آخری جمعہ کو یوم القدس کا تعئن کرکے عالمی سامراج اوراستعمار کے خلاف جدوجہد میں نئی جان پھونک دی۔
انہوں نے مزیدکہاکہ یوم القدس غاصب صیہونی رژیم کے خلاف فلسطینیوں کی مقدس جدوجہد کا دن ہے۔
