لاپرواہی کا مظاہرہ کرنے والے عرب ملکوں کا بائیکاٹ کیا جائے/عرب ممالک قبلہ اول کے دفاع میںکوتاہی کے ذمہ دار ہیں
خطیب مسجد اقصیٰ:
نیوزنور09فروری/مسجداقصیٰ کے امام اور خطیب نے قبلہ اول کے دفاع اور فلسطینی قوم کے دیرینہ حقوق کے حوالے سے عرب ممالک کے منفی کردار پر سخت تنقید کرتے ہوئے کہا ہے کہ قبلہ اول کے دفاع اور فلسطینیوں کے حقوق کی فراہمی میں نامی اور کوتاہی کے تمام ترذمہ دارعرب ممالک کی حکومتیں ہیں۔
عالمی ار دوخبررساں ادارے’’نیوزنور‘‘کی رپورٹ کے مطابق مسجد اقصیٰ میں جمعہ کے اجتماع سے خطاب میں الشیخ محمد حسین نے کہا کہ جو عرب ممالک فلسطینیوں کے حقوق کی بات نہیں کرتے اور نہ قبلہ اول کا دفاع ان کی ترجیح میں شامل ہے ان کا سفارتی بائیکاٹ کیاجانا چاہیے۔القدس اور مسجد اقصیٰ کا دفاع صرف باتوں سے نہیں بلکہ عملی اقدامات سے ممکن ہے اور عرب ممالک صرف زبانی دعوے کرتے ہیں۔
انہوں نے فلسطینی اتھارٹی سے مطالبہ کیا کہ وہ قبلہ اول اور فلسطین کے حوالے سے لاپرواہی کا مظاہرہ کرنےوالے عرب ممالک سے اپنے سفیر واپس بلائے۔
الشیخ محمد حسین نے فلسطینی قوم اور پورے عالم اسلام سے اپنی صفوں میں اتحاد پیدا کرنے کی ضرورت پر زور دیتے ہوئے کہاکہ ہم سب ایک ہی وطن کے بیٹے اور ایک ہی دین کے پیرو ہیں۔ ہمیں زبانی نہیں بلکہ عملی طور پر اپنی صفوں میں اتحاد پیدا کرنا ہوگا۔
