دہشتگرد عناصر یا توہتھیار ڈال دیں یا پھر کیفر کردار تک پہنچنے کیلئے تیار رہیں
شامی فوج:
نیوزنور29مئی/شامی فوج نے صوبہ ادلب کے مختلف علاقوں میں پمفلٹ گرا کر وہاں موجود دہشتگردوں سے ہتھیار ڈالنے یا عبرتناک سزا بھگتنے کیلئے تیار رہیں۔
عالمی اردوخبررساں ادارے’’نیوزنور‘‘کی رپورٹ کے شامی فوج نے یہ پمفلٹ ایک ایسے وقت گرایا ہے جب ترک فوج مختلف مسلح گروہوں کے درمیان جنگ و خونریزی ، دہشتگردوں کے ہاتھوں لوگوں کے قتل اور اغوا جیسے واقعات کو روکنے میں ناکام ہوگئی ہے۔
قزاقستان کے دارالحکومت آستانہ میں ہونے والے سمجھوتے کے مطابق ترکی شام کے صوبہ ادلب میں لوگوں کی جان و مال کی حفاظت کا ذمہ دار ہے اور اس نے اس صوبے کی سرحدوں پر بارہ چیک پوسٹیں قائم کرنے پر رضامندی ظاہر کردی ہے۔
رپورٹ کے مطابق شامی فوج نے دیر الزور میں اپنے اڈوں پر داعش کے حملوں کو پسپا کردیا ہےشامی فوج کے دستوں نے داعش کے حملے کو ناکام بنانے کی کارروائی کے دوران دسیوں دہشتگردوں کو ہلاک یا زخمی کیا ہے۔
شامی فوج نے گذشتہ چند ہفتوں سے صوبہ دیرالزور کے علاقے المیادین میں داعش کے خلاف کارروائیاں شروع کررکھی ہیں اور اب تک وہ پندرہ ہزار مربع کلومیٹر کا علاقہ آزاد کراچکی ہے۔
