اسلامی جمہوریہ ایران نے شام میں گریٹر مشرق وسطیٰ منصوبے کو ناکام کیا ہے
آذربائیجان کے سیاسی تجزیہ کار:
نیوزنور31جنوری/آذربائیجان کے ایک معروف سیاسی تجزیہ کا رنے کہا ہے کہ شام میں گریٹر مشرق وسطیٰ منصوبے کی ناکامی کے بعد واشنگٹن اب وارسا کانفرنس کے ذریعے اپنے نئے ناپاک منصوبے کو بڑھانے کی کوشش کررہی ہے۔
عالمی اردوخبررساں ادارے’’نیوزنور‘‘کی رپورٹ کے مطابق ایک انٹرویو میں’’عاقب حیدرعلی‘‘نےکہاکہ شام میں گریٹر مشرق وسطیٰ منصوبے کی ناکامی کے بعد واشنگٹن اب وارسا کانفرنس کے ذریعے اپنے نئے ناپاک منصوبے کو بڑھانے کی کوشش کررہی ہے۔
انہوں نے کہاکہ اسلامی جمہوریہ ایران کے خلاف ماضی میں دشمنانہ اقدامات کی طرح کانفرنس بھی ناکام ہوگی۔
انہوں نے کہاکہ اسلامی انقلاب کی کامیابی کے بعد امریکہ نے بارہا اسی طرح کے اقداما ت کئے تاہم وہ ہمیشہ شکست سے دوچار ہوا۔
انہوں نے کہاکہ امریکی دشمنانہ اقدامات کے باوجود علاقے اورپوری دنیا میں اسلامی جمہوریہ ایران کی پوزیشن مزید مستحکم ہوئی ہے۔
انہوں نے کہاکہ اسلامی جمہوریہ ایران نے علاقے کے اپنے اتحادی ممالک کےساتھ مل کر گریٹر مشرق وسطیٰ امریکی منصوبے کو شام میں ناکام بنایا ہے۔
انہوں نے کہاکہ دنیا نے عراق میں امریکہ کی تاریخی شکست کا مشاہدہ کیاواشنگٹن اوراس کے اتحادیوں کو اس عرب ملک سے نکلنے پر مجبور ہونا پڑا۔
آذربائیجان کے سیاسی تجزیہ کار نے کہاکہ امریکہ پہلے ہی بعض رجعتی علاقائی حکومتوں کی مدد سے نام نہاد عرب اتحاد قائم کرچکا ہے جس کا مقصد سب پر واضح ہے۔
وارسا میں ہونے والی ایران مخالف کانفرنس پر یورپی حکام کے مؤقف کے بارے میں انہوں نے کہاکہ اس اجلاس میں شرکت کیلئے یورپی ممالک نےاپنی آمادگی کوظاہر نہیں کیا ہے۔
