یورپ وقت ختم ہونے سے پہلے اپنے وعدوں پر عمل کرے
ایرانی ایٹمی توانائی ادارے کے سربراہ:
نیوزنور28 جنوری/ ایرانی ایٹمی توانائی ادارے کے سربراہ نے مخصوص مالیاتی نظام کے قیام کے لئے یورپ کے فیصلوں کا حوالہ دیتے ہوئے اس امید کا اظہار کیا ہے کہ یورپ وقت ختم ہونے سے پہلے اپنے وعدوں پر عمل کرے۔
عالمی اردوخبررساں ادارے’’نیوزنور‘‘کی رپورٹ کے مطابق ایرانی ایٹمی توانائی ادارے کے سربراہ علی اکبر صالحی نے مخصوص مالیاتی نظام کے قیام کے لئے یورپ کے فیصلوں کا حوالہ دیتے ہوئے اس امید کا اظہار کیا ہے کہ یورپ وقت ختم ہونے سے پہلے اپنے وعدوں پر عمل کرے
انہوں نے ایران سے متعلق یورپ کی جانب سے خاص مقصد کے لئے بنائے جانے والے نظام (SPV) پر یورپی کارکردگی کو مایوس کن قرار دیتے ہوئے کہا کہ اگر یورپی حکام اپنے وعدوں پر عملدرآمد نہ کرے آئندہ میں ہونے والے اقدامات نہ اسلامی جمہوریہ ایران، نہ یورپ اور نہ جوہری معاہدے کے دوسرے فریقین کے لئے خوشگوار نہیں ہوگا۔
صالحی نے کہا کہ جوہری معاہدے کے لئے بہت ہی کوششیں کی گئی ہیں لہذا ہم باقی رہنے والے فریقین کی جانب سے اس معاہدے کی خلاف ورزی نہیں چاہتے ہیں۔
انہوں نے کہا کہ اسلامی جمہوریہ ایران جوہری معاہدے کے تمام وعدوں پر قائم ہے اور عالمی ایٹمی توانائی ادارے کی 13 رپورٹز اس حقیقت کی علامت ہے مگر یورپ کی جانب سے خاص مقصد کے لئے بنائے جانے والے نظام (SPV) کو بعض وجوہات کی بنا پر کسی حد تک سست روی کا سامنا ہے۔
ایرانی عہدیدار نے کہا کہ یورپی یونین کے سفارتی ذرائع کے مطابق، اسلامی جمہوریہ ایران کے لئے یورپ کے مخصوص مالیاتی نظام کی 28 جنوری کو باقاعدہ رونمائی کی جائے گی۔
انہوں نے کہا کہ جوہری معاہدے میں شامل تین یورپی ممالک تعمیری مشاورت کے ذریعے خصوصی مالیاتی نظام کے نفاذ کو یقینی بنائیں گے۔
