شام کے تئیں امریکی اسٹریٹجی تبدیل نہیں ہوئی ہے /امریکہ اوراسرائیل ابھی بھی شام کے سب سے بڑے دشمن ہیں
سینئر شامی سیاسی تجزیہ کار:
نیوزنور25جنوری/شام کے ایک سینئر سیاسی تجزیہ کار کے مطابق شام میں امریکہ کی اسٹریٹجی تبدیل نہیں ہوئی ہے بلکہ اس عرب ملک میں امریکہ نے اپنی ٹیکٹکس کو تبدیل کیا ہے۔
عالمی اردوخبررساں ادارے’’نیوزنور‘‘کی رپورٹ کے مطابق’’طاہر ابراھیم‘‘نےکہاکہ شام میں امریکہ کی اسٹریٹجی تبدیل نہیں ہوئی ہے بلکہ اس عرب ملک میں امریکہ نے اپنی ٹیکٹکس کو تبدیل کیا ہے۔
انہوں نے کہاکہ امریکہ شام کا اقتصادی محاصرہ کرکے دہشتگردی کے خلاف جنگ میں شامی فوج کی فتوحات میں رکاوٹیں کھڑی کرنے کی کوشش کررہا ہے۔
انہوں نے کہاکہ امریکہ نے داعش اور جبہت النصرہ جیسے تکفیری دہشتگردوں کے ذریعے مقاومتی محاذ کو چوٹ پہنچانے کی کوشش کی لیکن آج ہم مشاہدہ کررہے ہیں کہ شام میں ان پراکسی دہشتگردوں کو ہر محاذ پر شکست کا سامنا ہے۔
انہوں نے کہاکہ امریکی سازشوں کے باوجود مقاومتی محاذ کی طاقت میں کئی گنا اضافہ ہوا ہے۔
انہوں نے کہاکہ جنوبی اورشمالی شام میں اسرائیل ،ترک اورامریکی رژیموں کے درمیان جاری تعاون کا مقصد دمشق حکومت کے عزم کو توڑنا ہے۔
انہوں نے شام کے تئیں ہمسایہ ملک ترکی کی پالیسی کی مذمت کرتے ہوئے کہاکہ رجب طیب اردغان شمالی شام میں اپنے ناپاک منصوبوں کو لاگو کرنے کی کوشش کررہے ہیں۔
واضح رہےکہ شام کو سن 2011 سے امریکہ، سعودی عرب ، ترکی اور قطر کے حمایت یافتہ دہشتگرد گروہوں کی سرگرمیوں کا سامنا ہے جس کے نتیجے میں چار لاکھ ستر ہزار سے زائد شامی شہری مارے جاچکے ہیں اور دہشتگردی کے نتیجے میں کئی لاکھ افراد اپنے ملک میں بے گھر اور لاکھوں دیگر ممالک میں پناہ لینے پر مجبور ہوگئے ہیں۔
