شام پر جارحیت اسرائیل کی مکمل نابودی کا باعث بنے گی
حزب اللہ کے اعلیٰ عہدیدار:
نیوزنور22جنوری/حزب اللہ کے ایک اعلیٰ عہدیدار نے کہا ہے کہ مقاومت علاقے میں کسی بھی صورتحال سے نمٹنے کیلئے ہمہ وقت تیار ہے اورصیہونی حکومت اس حقیقت کو بخوبی جانتی ہے کہ شام پر کسی بھی طرح کی جارحیت اس غاصب رژیم کی نابودی کا باعث بنےگی۔
عالمی اردوخبررساں ادارے’’نیوزنور‘‘کی رپورٹ کے مطابق ’’محمد فانش‘‘نے مقاومت علاقے میں کسی بھی صورتحال سے نمٹنے کیلئے ہمہ وقت تیار ہے اورصیہونی حکومت اس حقیقت کو بخوبی جانتی ہے کہ شام پر کسی بھی طرح کی جارحیت اس غاصب رژیم کی نابودی کا باعث بنےگی۔
انہوں نے کہاکہ لبنان کے مفادات شام میں امن واستحکام سے جڑے ہوئے ہیں اورصیہونی حکومت جانتی ہے کہ جنگ کی صورت میں اسے فرار ہونے کا موقعہ بھی فراہم نہیں ہوگا۔
انہوں نے عرب لیگ میں شام کی واپسی سے متعلق لبنانی صدر اوروزیر خارجہ کے بیان کی تائید کرتے ہوئے کہا کہ شام کا عرب لیگ میں لوٹنا لبنان کےقومی مفاد میں ہے۔
انہوں نے کہاکہ آج عربوں کو شام کی ضرورت ہے اور شام کے بغیر عرب لیگ کا کوئی وجود نہیں ہے ۔
انہوں نے کہاکہ عرب لیگ میں شام کی واپسی کی مخالفت کرنے والے مسئلہ فلسطین کو ختم کرنے اور علاقے میں امریکی اثرورسوخ کو دوبارہ بحال کرنے کی کوشش کررہے ہیں۔
انہوں نے کہاکہ عرب حکومتوں کی طرف سے صیہونی رژیم کےساتھ تعلقات بحال کرنے کی کوششیں قابل مذمت ہیں ۔
انہوں نے مزیدکہاکہ ٹرمپ نام نہاد سنچری ڈیل مسلط کرنے کی کوشش کررہے ہیں تاہم یہ کوششیں کبھی بھی کامیاب نہیں ہوپائیں گی۔
