جاپان نے ایرانی تیل درآمدات کا آغاز کردیا
ایرانی مرکزی بینک کے سربراہ:
نیوزنور21جنوری/ ایرانی مرکزی بینک کے سربراہ نے کہا ہے کہ چین، جنوبی کوریا، بھارت اور ترکی کے بعد اب جاپان نے بھی اسلامی جمہوریہ ایران سے تیل کی دوبارہ خریداری کا باضابطہ آغاز کردیا ہے۔
عالمی اردو خبررساں ادارے’’نیوز نور‘‘کی رپورٹ کے مطابق ایران کے مرکزی بینک کے سربراہ ’’عبدالناصر ہ‘‘نے سوشل میڈیا میں اپنے ایک بیان میں کہا کہ چین، جنوبی کوریا، بھارت اور ترکی کے بعد اب جاپان نے بھی اسلامی جمہوریہ ایران سے تیل کی دوبارہ خریداری کا باضابطہ آغاز کردیا ہے۔۔
انہوں نے کہا کہ جلد تیل اور دیگر وسائل سے حاصل ہونے والی اربوں ڈالر کی آمدنی غیرملکی بینکوں میں جمع ہوں گی جس کو جلد ملک کی معیشت میں شامل کیا جائے گا۔
موصوف سربراہ نے کہا کہ مرکزی بینک اور ایکسپورٹرز کے درمیان طے پانے والی مفاہمت کے بعد ایران کی نان آئل مصنوعات کی برآمدات کو بھی فروغ دیا جائے گا۔
عبدالناصر ہمتی نے مزید کہا کہ بعض اندرونی اور بیرونی عناصر کرنسی مارکیٹ اور ملکی معیشت کے خلاف مایوسی پھیلانے کی کوششیں کررہے ہیں تاہم تمام حالات معمول کے مطابق ہیں اور مرکزی بینک اس حوالے سے اپنا کردار ادا کررہا ہے۔
