شیطانی محور نے مشرق وسطیٰ پر اپنا کنٹرول کھودیا ہے
ممتاز عراقی اہلسنت عالم دین:
نیوزنور18جنوری/عراق کے ایک ممتاز اہلسنت عالم دین نے کہا ہے کہ امریکہ اورصیہونی رژیم کی قیادت میں شیطانی محور علاقے میں اسلام کے جڑوں کو کاٹنے کی کوشش کررہا ہے تاکہ صیہونی رژیم علاقے پر اپنا تسلط قائم کرسکے۔
عالمی اردوخبررساں ادارے’’نیوزنور‘‘کی رپورٹ کے مطابق ’’شیخ خالد ملا‘‘نےکہاکہ امریکہ اورصیہونی رژیم کی قیادت میں شیطانی محور علاقے میں اسلام کے جڑوں کو کاٹنے کی کوشش کررہا ہے تاکہ صیہونی رژیم علاقے پر اپنا تسلط قائم کرسکے۔
انہوں نے کہاکہ رہبرمعظم انقلاب اسلامی کی قیادت میں مقاومتی محاذ کے سامنے امریکی ،اسرائیلی شیطانی گٹھ بندن کو ذلت آمیز شکست ہوئی ہے اور علاقے پر اس شیطانی گٹھ بندن کا کوئی کنٹرول نہیں ہے اوراسی لئے آج بعض عرب ممالک شام میں اپنے سفارتخانے کھول رہے ہیں تاکہ اپنی سابقہ پوزیشن بحال او رصیہونی رژیم کی حمایت سے اسلام کے خلاف نئے منصوبے کا آغاز کرسکیں۔
انہوں نے کہاکہ امریکہ سعودی عرب کی حمایت سے نام نہاد سنچری ڈیل کو فلسطینیوں پر مسلط کرکے اسے کامیاب بنانے کی کوشش کررہا ہے تاہم فلسطینی عوام اس شیطانی منصوبے کو کبھی کامیاب نہیں ہونے دےگی۔
