امریکی پالیسیوں کے باعث عالمی امن وسیکورٹی خطرے سے دوچار ہے
روسی سیکورٹی کونسل کےسربراہ:
نیوزنور17جنوری/روسی سیکورٹی کونسل کےسربراہ نے کہا ہے کہ جامع مشترکہ ایکشن پلان سے علحٰیدہ ہونے کے امریکی فیصلےکا مقصد اسلامی جمہوریہ ایران کی اندرونی صورتحال کو غیر مستحکم کرنا تھا ۔
عالمی اردوخبررساں ادارے’’نیوزنور‘‘کی رپورٹ کے مطابق’’ نکولی پیٹروشیف‘‘نےکہاکہ جامع مشترکہ ایکشن پلان سے علحیٰدہ ہونے کے امریکی فیصلےکا مقصد اسلامی جمہوریہ ایران کی اندرونی صورتحال کو غیر مستحکم کرنا تھا ۔
انہوں نے کہاکہ امریکہ نے نہ صرف ایک عالمی معاہدے کی خلاف ورزی کی بلکہ کھلے عام اپنے یورپی اتحادیوں پر دباؤ ڈال کر ان کےمفادات کو نظرانداز کیا۔
انہوں نے کہاکہ امریکی پابندیوں کےباوجود اکثر ممالک نے اسلامی جمہوریہ ایران کے ساتھ اپنے تجارتی اوراقتصادی تعلقات برقراررکھنے کا فیصلہ کیا ہے۔
انہوں نے کہاکہ جامع مشترکہ ایکشن پلان سے امریکہ کی علحٰیدگی سے نہ صرف مشرق وسطیٰ کےعلاقے بلکہ پوری دنیا کی سیکورٹی خطرے میں پڑ گئی ہے۔
انہوں نے کہاکہ اس کے برعکس دیگر عالمی طاقتیں بالخصوص روس ،چین ،ہندوستان ،جاپان نے جے سی پی او کو برقراررکھنے کے اپنے عزم کو دہرایا ہے۔
انہوں نے کہاکہ حکومت ماسکو اسلامی جمہوریہ ایران کےساتھ تمام میدانوں میں تعاون کو بڑھانے میں اپنی کوششیں جاری رکھےگی۔
