امریکہ شام میں اپنی شکست قبول کرکے اس ملک سے فوری طورپر نکل جائے
ترک سیاستدان:
نیوزنور17جنوری/ترکی کے ایک سیاستدان نےاس بات کے ساتھ کہ امریکہ کو شام میں شکست ہوئی ہے کہا ہے کہ امریکہ کیلئے بہتر ہے کہ وہ اس ملک میں مداخلت بند کرکے اس ملک سے مکمل طورپر نکل جائے۔
عالمی اردوخبررساں ادارے’’نیوزنور‘‘کی رپورٹ کے مطابق ’’دوگو پرنسک‘‘نےاس بات کے ساتھ کہ امریکہ کو شام میں شکست ہوئی ہے کہا ہے کہ امریکہ کیلئے بہتر ہے کہ وہ اس ملک میں مداخلت بند کرکے اس ملک سے مکمل طورپر نکل جائے۔
انہوں نے کہاکہ اسلامی جمہوریہ ایران کی طرف سے علاقائی ممالک کو انسداد دہشتگردی مہم دی جانے والے حمایت کےباعث تہران پر امریکہ کی طرف سے دباؤ ڈالا جارہا ہے۔
انہوں نے کہاکہ ایران اور ترکی کے درمیان دوستانہ تعلقات نہ صرف شام بلکہ علاقے کے مستقبل کیلئے انتہائی اہمیت کے حامل ہیں۔
انہوں نے کہاکہ شام اورعراق میں دہشتگردوں کی مکمل نابودی کیلئےضروری ہے کہ رجب طیب اردغان کی حکومت روس اور ایران کےساتھ تعاون کو جاری رکھے۔
انہوں نے مزید کہاکہ امریکہ نے کردوں کا استحصال کرکے عرب جمہوریہ شام کو تقسیم کرنے کی ناکام کوشش کی ہے۔
