امریکہ کے قدم جہاں بھی پڑے ہیں وہاں خون خرابہ ہوا ہے
مصری سیاستدان:
نیوزنور14جنوری/مصر کے ایک سینئر سیاستدان نے واشنگٹن کی علاقائی پالیسیوں کی مذمت کرتے ہوئے کہا ہے کہ امریکہ کے قدم جہاں بھی پڑے ہیں وہاں خون خرابہ ہوا ہے۔
عالمی اردوخبررساں ادارے’’نیوزنور‘‘کی رپورٹ کے مطابق’’حاتم نومان‘‘نے واشنگٹن کی علاقائی پالیسیوں کی مذمت کرتے ہوئے کہا ہے کہ امریکہ کے قدم جہاں بھی پڑے ہیں وہاں خون خرابہ ہوا ہے۔
انہوں نے کہاکہ قاہرہ یونیورسٹی میں مائیک پومپیو کا ایران مخالف بیان قابل مذمت ہے اورمصر کے حکام کو اس پر احتجاج کرنا چاہئے۔
انہوں نے کہاکہ مصر کی سرزمین سے پومپیو کے ایران مخالف بیان کا مقصد مصر اورخلیج فارس ممالک کو ایران کے خلاف جنگ میں دھکیلنا ہے۔
انہوں نےمصری صدر السیسی اور وزارت خارجہ سے مطالبہ کیا کہ وہ پومپیو کے ایران مخالف بیان پر امریکی حکام سے اپنا احتجاج درج کرائیں۔
انہوں نے کہاکہ امریکہ کی ڈیموکریٹک اور ریپبلکن جماعتوں میں کوئی فرق نہیں ہے دونوں جماعتوں نے ہمیشہ علاقے میں دہشتگردی کو ہوا دی ہے اوردنوں جماعتیں اپنے اتحادیوں کے مفادات کو نظرانداز کرکے اپنے ہی مفادات کا تحفظ کرتے رہے ہیں۔
