عالمی برادری دہشتگردوں کی نابودی میں مدد کرے
اقوام متحدہ میں شام کے مستقل مندوب:
نیوز نور22دسمبر/ اقوام متحدہ میں شام کے مستقل مندوب نے عالمی برادری سے دہشتگرد گروہوں کے حملے بند کرانے کی اپیل کی ہے۔
عالمی اردو خبررساں ادارے’’نیوزنور‘‘کی رپورٹ کے مطابق سلامتی کونسل کے اجلاس سے خطاب کرتے ہوئے اقوام متحدہ میں شام کے مستقل مندوب’’بشارا لجعفری‘‘ نے کہاکہ ان کا ملک ہر اس تجویز کا خیر مقدم کرتا ہے جو بحران کے خاتمے میں مددگا ثابت ہو۔
انہوں نے کہا کہ دمشق حکومت بحران شام کے سیاسی حل کے لیے سچائی
کے ساتھ کی جانے والی تمام کوششوں میں مشارکت کے لیے آمادہ ہے۔
اقوام متحدہ میں شام کے مستقل مندوب نے یہ بات زور دے کر کہی کہ
اپنے مفادات کی خاطر شام میں بحران پیدا کرنے والے سلامتی کونسل کے بعض رکن ملکوں
کے کردار کو ہرگز نظر انداز نہیں کیا جانا چاہئے۔
انہوں نے کہا کہ عالمی برادری کی ذمہ داری ہے کہ وہ دہشتگردانہ حملے بند کرانے اور باقی ماندہ دہشتگردوں کی نابودی کے لیے شام کی مدد کرے۔
شام کے مستقل مندوب نے غیر قانونی طور پر موجود غیر ملکی فوجیوں کے فوری انخلاء کا بھی مطالبہ کیا۔
بشار الجعفری نے واضح کیا کہ شام میں کسی بھی قسم کے سیاسی عمل کی کامیابی کا دارو مدار دمشق حکومت کے ساتھ تعاون، دہشتگردوں کی نابودی اور بعض بیرونی ملکوں کی غیر قانونی موجودگی کے خاتمے پر ہو گا۔
