فرانس میں یلو جیکٹ تحریک مقبول ہوتی جارہی ہے
فرانس:
نیوزنور21دسمبر/ فرانس میں کی ایک گئی ایک سروے کے مطابق ملک میں شروع ہونے والی یلو جیکٹ تحریک کا اثر اب مختلف یورپی ملکوں میں بھی دیکھا جا رہا ہے اور اس تحریک کا دائرہ روز بروز وسیع سے وسیع تر ہوتا جا رہا ہے۔
عالمی اردو خبررساں ادارے’’نیوزنور‘‘کی رپورٹ کے مطابق فرانس میں کئے گئے نئے سروے نتائج سے پتہ چلتا ہے کہ ستّر فیصد سے زائد فرانسیسی سرمایہ داری کے خلاف یلو جیکٹ تحریک کی حمایت کرتے ہیں۔
سروے کے مطابق یلو جیکٹ تحریک کے سرگرم عمل کارکنوں نے انٹرنیٹ اور سوشل میڈیا کے ذریعے فرانسیسی عوام سے اپیل کی ہے کہ وہ بائیس دسمبر کو بھی سڑکوں پر نکلیں اور فرانسیسی صدر امانوئل میکرون کی پالیسیوں کے خلاف احتجاج کریں۔
رپورٹ کے مطابق پیرس کے مختلف علاقوں میں احتجاجی مظاہرے کئے جانے کی بھی خبر ہے۔
رپورٹ میں مزید کہا گیا ہے کہ فرانس میں شروع ہونے والی یلو جیکٹ تحریک کا اثر اب مختلف یورپی ملکوں میں بھی دیکھا جا رہا ہے اور اس تحریک کا دائرہ روز بروز وسیع سے وسیع تر ہوتا جا رہا ہے۔
واضح رہے کہ فرانسیسی پولیس کے پرتشدد اقدامات کے نتیجے میں اب تک آٹھ افراد ہلاک اور درجنوں دیگر زخمی ہو چکے ہیں جبکہ پولیس اہلکاروں نے سیکڑوں افراد کو حراست میں لے لیا ہے۔
