امریکہ پچاس ہزار شامیوں کو یرغمال بناکر داعش کی حمایت کررہاہے
روسی ماہرین:
نیوزنور14دسمبر/روسی ماہرین کے مطابق امریکہ شام کے علاقے الطنف میں پچاس ہزار عام شہریوں کو یرغمال بناکر دہشتگردوں کی حمایت کررہا ہے۔
عالمی اردوخبررساں ادارے’’نیوزنور‘‘کی رپورٹ کے مطابق شام کے سرکاری نیوز ایجنسی صنعا نے روسی ذرائع کے حوالے سے لکھا کہ شمال مشرقی شام اور الطنف علاقے میں پانچ ہزار امریکی فوجی تعینات ہیں۔
ماہرین کے مطابق امریکہ الطنف کے الرقبان کیمپ پر قابض ہوکر تکفیری دہشتگرد گروہ داعش کو علاقے میں امداد فراہم کررہا ہے۔
رپورٹ کے مطابق ماہرین نے کہاکہ شام میں امریکہ اوراس کے اتحادیوں کی موجودگی اوراقدامات بین الاقوامی قوانین کی کھلی خلاف ورزی ہے۔
واضح رہےکہ شام کو سن 2011 سے امریکہ، سعودی عرب ، ترکی اور قطر کے حمایت یافتہ دہشتگرد گروہوں کی سرگرمیوں کا سامنا ہے جس کے نتیجے میں چار لاکھ ستر ہزار سے زائد شامی شہری مارے جاچکے ہیں اور دہشتگردی کے نتیجے میں کئی لاکھ افراد اپنے ملک میں بے گھر اور لاکھوں دیگر ممالک میں پناہ لینے پر مجبور ہوگئے ہیں۔
