عراق ایران مخالف پابندیوں کا حصہ نہیں بنے گا
امریکی تجزیہ کار:
نیوزنور 13دسمبر/امریکہ کے ایک معروف سیاسی تجزیہ نگار نے اس بات کے ساتھ کہ عراق ایران پر امریکی پابندیوں کا حصہ نہیں بنے گا کہا ہے کہ بغداد اپنی توانائی کی ضروریات کو پورا کرنے کیلئے ایران پر انحصار کرتا ہے ۔
عالمی اردوخبررساں ادارے’’نیوزنور‘‘کی رپورٹ کے مطابق ’’ڈیوڈ یاگوویان‘‘نے اس بات کے ساتھ کہ عراق ایران پر امریکی پابندیوں کا حصہ نہیں بنے گا کہا ہے کہ بغداد اپنی توانائی کی ضروریات کو پورا کرنے کیلئے ایران پر انحصار کرتا ہے ۔
انہوں نے کہاکہ عراق کبھی بھی ایران مخالف امریکی پابندیوں کی حمایت نہیں کرےگا۔
انہوں نے کہاکہ عراقی حکومت بارہا امریکہ کی طرف سے اسلامی جمہوریہ پر دوبارہ عائد کی جانے والی پابندیوں کی مذمت کرتے ہوئے اس بات پر تاکید کرتا رہا ہے کہ ان پابندیوں سے تہران اوربغداد کے درمیان تعلقات کسی طرح متاثر نہیں ہونگے۔
اسی طرح کے بیان میں گذشتہ ماہ عراق کے وزیر اعظم عادل عبدالمہدی نے کہاکہ ایران سے متعلق امریکی پابندیوں پر ہمارا مؤقف یورپی یونین ،روس ،چین اوررجاپان کی طرح واضح ہےاور عراق ہر گز ان پابندیوں کی حمایت نہیں کرےگا۔
انہوں نے کہاکہ عراق نے امریکی پابندیوں سے استثنیٰ حاصل کرنے کیلئے وسیع پیمانے پر مذاکرات کئے ۔
