نیوزنور newsnoor

برطانوی وزیر خارجہ:

 نیوزنور23مئی/برطانوی وزیر خارجہ نے کہا ہے کہ ایران پر امریکہ کی جانب سے نئی پابندیوں کے مسلط ہونے کے باوجود اپنی کمپنیوں کی حمایت کریں گے۔

عالمی اردو خبررساں ادارے’’نیوزنور‘‘کی رپورٹ کے مطابق امریکی وزیر خارجہ ’’بورس جانسن‘‘ نے کہا کہ ایران جوہری معاہدے سے امریکہ کی علحیٰدگی اور ایران کے خلاف نئی امریکی پابندیوں کے باوجود برطانیہ اپنی کمپنیوں کو تہران کے ساتھ تضارت کرنے کی حمایت کرے گا۔

انہوں نے کہا کہ برطانیہ نے جرمنی اور فرانس سمیت یورپی ممالک کی صف میں شامل ہونے پر آمادگی ظاہر کی ہے جو کہ جوہری معاہدے کو قائم رکھنے کے خواہاں ہیں اور اس کی حمایت کرتے ہیں۔

برطانوی وزیر خارجہ نےمزید کہا کہ جوہری معاہدہ پورے خطے کے لئے اس لحاظ سے فائدہ مند ہے کہ یہ ایرانی جوہری ہتھیاروں سے محفوظ رکھنے کے لئے اہم ہے اور اس کے بدلے میں ایرانیوں کو معاشی فائدے حاصل ہوں گے۔