اسرائیل میں مقاومت کو دوبارہ آزمانے کی جراءت نہیں ہے
روزنامہ رائے الیوم کی تحلیلی رپورٹ:
نیوزنور 03نومبر/ایک مشہور عرب روزنامہ نے تحریک مقاومت حزب اللہ کے اس ویڈیو پیغام کہ جس میں اسرائیل کو خبردار کیاگیا ہے کہ اگر صیہونی حکومت نے لبنان کے خلاف فوجی حملےکی حماقت کا ارتکاب کیا تو اسے سخت پشیمانی کا سامنا کرنا پڑےگا کی طرف اشارہوئے کہا کہ مقاومت نے طاقت کے تواز ن اپنے حق میں تبدیل کیا ہے اس لئے غاصب اسرائیل مقاومت کو دوبارہ آزمانےکی جراءت نہیں کرےگی۔
عالمی اردوخبررساں ادارے’’نیوزنور‘‘ کی رپورٹ کے مطابق روزنامہ رائے الیوم نے تحریک مقاومت حزب اللہ کے اس ویڈیو پیغام کہ جس میں اسرائیل کو خبردار کیاگیا ہے کہ اگر صیہونی حکومت نے لبنان کے خلاف فوجی حملےکی حماقت کا ارتکاب کیا تو اسے سخت پشیمانی کا سامنا کرنا پڑےگا کی طرف اشارہوئے کہا کہ مقاومت نے طاقت کے تواز ن اپنے حق میں تبدیل کیا ہے اس لئے غاصب اسرائیل مقاومت کو دوبارہ آزمانےکی جراءت نہیں کرےگی۔
روزنامہ رائے الیوم نے لکھا کہ حزب اللہ کی بڑھتی طاقت سے صیہونی حلقے پہلے سے ہی تشویش میں مبتلا ہیں اور اس کےویڈیو سامنے آنے کے بعد غاصب صیہونیوں کی تشویش میں مزید اضافہ ہوا ہے۔
روزنامہ نے لکھا کہ غاصب صیہونی رژیم اوراس کے فوجی حکام شمال اورمشرقی مقبوضہ فلسطینی علاقوں میں حزب اللہ کی بڑھتی طاقت سے وحشت زدہ ہیں۔
روزنامہ نے مزید لکھا کہ شام میں حزب اللہ اور بشارالاسد کی حامی فورسز پر صیہونی حکومت کے لگاتار حملے مقاومت کے مقابلے میں صیہونیوں کی ناتوانی کی علامت ہے۔
حزب اللہ لبنان نےہفتے کے روز اپنے ایک ویڈیوپیغام میں اسرائیل کو انتباہ جاری کرتےہوئے کہا کہ اگر اسرائیل نے لبنان کے خلاف فوجی حملے کی حماقت کا ارتکاب کیا تو اسے سخت پشیمانی کا سامنا کرنا پڑےگا۔
اس ویڈیو میں حزب اللہ لبنان کے سربراہ سید حسن نصر اللہ کی تقریر کے اقتباس میں بھی کہا گیا ہے کہ اگر اسرائیل نے لبنان کے خلاف کسی فوجی حماقت کا ارتکاب کیا تو اسے منہ توڑ جواب دیا جائےگا۔
اس ویڈیو میں اسرائیلی فوجی اور ایٹمی ٹھکانوں کو دکھایا گیا ہے جنہیں حزب اللہ کے اہلکار دفاعی کارروائی میں نشانہ بناسکتے ہیں۔
