دہشتگرد گروہ بوکو حرام کے حملےمیں39 فوجی ہلاک، 43 زخمی
نائیجیریائی مسلح فوج کے سربراہ:
نیوزنور30نومبر/ نائیجیریائی مسلح فوج کے سربراہ نے کہا ہے کہ نائیجیریا کے شمال مشرق میں دہشتگردگروہ بوکو حرام کی طرف سے فوجی اڈوں پرکئے گئے حملوں میں 39 فوجی ہلاک اور 43 زخمی ہو گئےہیں۔
عالمی اردو خبررساں ادارے’’نیوزنور‘‘کی رپورٹ کے مطابق نائیجیریائی مسلح فوج کے سربراہ ’’ تُکُر یوسف بوراتائی ‘‘نے اپنے ایک بیان میں کہا کہ نائیجیریا کے شمال مشرق میں دہشتگرد گرو ہ بوکو حرام کی طرف سے فوجی اڈوں پرکئے گئے حملوں میں 39 فوجی ہلاک اور 43 زخمی ہو گئے ہیں۔
مسلح افواج کے سربراہ نے کہا کہ حالیہ ہفتوں میں صوبہ بورنو سے منسلک علاقوں کوکاوا، نگوشے، کاریتو اور گاجیرمان میں 4 فوجی اڈوں پر حملے کئے گئے حملوں میں 16 فوجی ہلاک اور 12 زخمی ہو گئے جبکہ حملوں کے بعد ہونے والی جھڑپوں میں 23 فوجی ہلاک اور 31 زخمی ہو گئے ہیں۔
بوراتائی نے کہا کہ فوجی اڈوں پر حملوں میں دہشتگرد گروہ بوکو حرام نے ڈرون طیارے استعمال کئے ہیں۔
دوسری طرف ذرائع ابلاغ میں شائع ہونے والی خبروں کے مطابق حملوں میں 100 سے زائد فوجی ہلاک ہو گئے ہیں۔
واضح رہے کہ نائیجیریا میں 2000 کی دہائی کے آغاز سے بوکو حرام گروہ دہشتگردی کی کاروائیاں کر رہا ہے اور 2009 سے اس کے اجتماعی تشدد کے اقدامات میں 20 ہزار سے زائد افراد ہلاک ہو چکے ہیں۔
