ترکی دہشتگردی کی روک تھام کےاپنے وعدے سے مکر رہا ہے
اقوام متحدہ میں تعئنات شامی مندوب:
نیوزنور30نومبر/ اقوام متحدہ میں تعئنات شامی مندوب نے کہا ہے کہ ترکی نے ضمانت دی تھی کہ وہ ادلب سے دہشتگردوں کو نکالنے میں تعاون فراہم کرےگا لیکن ترکی اپنے اس وعدے پر عمل کرنے سے گریز کررہا ہے۔
عالمی اردو خبررساں ادارے’’نیوزنور‘‘کی رپورٹ کے مطابق اقوام متحدہ میں شام کے نمائندے ’’بشار الجعفری‘‘ نے کہاکہ ترکی نے ضمانت دی تھی کہ وہ ادلب سے دہشتگردوں کو نکالنے میں تعاون فراہم کرےگا لیکن ترکی اپنے اس وعدے پر عمل کرنے سے گریز کرکےشام میں سوچی معاہدے کی مسلسل خلاف ورزی کا ارتکاب کررہا ہے۔
انہوں نے کہا کہ ترکی نے ادلب میں حاضر دہشتگردوں کی ضمانت دی ہے کہ وہ جنگ بندی کی پابندی کریں گے لیکن ترکی اپنے اس وعدے پر عمل پیرا نہیں ہے۔
بشار الجعفری نےمزید کہا کہ دہشتگرد گروہوں کی طرف سے کیمیائی ہتھیاروں کا استعمال اس بات کی واضح دلیل ہے کہ ترکی اپنے وعدوں پر عمل کرنے میں ناکام رہا ہے۔
